A giornade
Vivo le mie giornade nere
cole ore vestide de luto
ombre che coverşi duto
e pensieri duri come piere.
Vivo le mie giornade şiode
sabia che no resta in man
un ieri che pareva doman
del tempo che va cole riode.
Vivo le mie giornade longhe
quele che mai le finissi
con ti che giri e te missi
ma le ore va come limaghe.
Vivo le mie giornade vecie
cussì strente de robe bele
e dute quele mie capele
che siga come cornacie.
Vivo le mie giornade de sol
voia de far che no manca
e anca se i brassi se stanca
domandar de più no se pol.
Vivo la mia giornada bona
perché me xe ela vissin
la me liga come sforsin
se no mi saria ‘ncora mona.
625